Uzoq yillik tajribalar shuni ko‘rsatadiki, har qanday jinoyatni oshkor qiluvchi belgilari mavjud. “Zakladchik”lar tomonidan o‘z jinoiy faoliyatining usul va taktikalarini o‘zgartirishlariga qaramasdan, ularni oshkor qiluvchi quyidagi belgilar mavjud:

— yonida besabab katta miqdorda pullar paydo bo‘lib qolishi;
— boshqa shaxslar nomiga ochilgan bank kartalarining paydo bo‘lishi;
— yurish-turishda birdan o‘zgarishlar (qimmatbaho buyumlar, yangi rusumli telefon, qimmatbaho kiyimlar);
— telefonda rasmlarga koordinatalarni tushirish imkonini beruvchi maxsus ilovalar (“ViPole”, “Jabber”, “Wechat”, “Signal”) o‘rnatilganligi;
— shaxsiy buyumlari ichida ko‘p hollarda izolenta, skotch va kichik paketlar bo‘lishi;
— telefonida turli chekka joylarning lokatsiyalari bo‘lishi;
— har qanday aniqlashtiruvchi savollarga qo‘rquvni paydo bo‘lishi (kecha qaerda eding, buncha pulni qaerdan olding kabi);
— ijaraga avtomashina olish holatlarining muntazam kuzatilishi.

Yuqorida ko‘rsatib o‘tilganlarning barchasi dastlabki belgilar bo‘lib, ularni qayta tekshirish lozim. Shu bilan birga, 70-80 foiz holatlarda psixofaol moddalarni tashuvchilarning o‘zi ham uni suiiste'mol qiladi. Shu bois, suiiste'mol qiluvchi shaxslar bilan tashqi belgilari deyarli o‘xshash bo‘ladi.

© O‘zbekiston Respublikasi Prezidenti Administratsiyasi huzuridagi Narkotiklarni nazorat qilish milliy markazi