Yurtboshimiz tomonidan joriy yilning «Yoshlar va biznesni qoʻllab-quvvatlash yili” deb eʼlon qilinishi yoshlarimizning oʻz imkoniyatlari, iqtidorlarini roʻyobga chiqarish uchun keng yoʻl ochib berdi. Yoshlarning taklif va tashabbuslari qoʻllab-quvvatlandi. Oʻz ilgʻor gʻoyalari, fan-texnika sohasidagi ixtirolari, ilmiy va ijodiy salohiyatga ega, faol yoshlar bilan davlat boshqaruv organlari, jamoat va ilmiy tashkilotlar hamkorligi oʻrnatilishi natijasida qator yangiliklar yurtimizning ijtimoiy, maishiy hayotiga kirib keldi. Oʻzbekiston Respublikasi Vazirlar Mahkamasining yoshlar siyosati borasidagi tegishli topshiriqlari hamda Ichki ishlar vazirining farmoyishiga asosan, 18-25-dekabr kunlari poytaxtimizda “Yoshlar haftaligi”ning oʻtkazilishi ana shu ishlarning mantiqiy davomidir.
Haftalik davomida Bosh boshqarma yosh xodimlari oʻrtasida shaxmat, shashka va stol tennisi boʻyicha musobaqalar tashkillashtirildi. Unda IIVning 1-sonli akademik litseyi va ixtisoslashtirilgan maktab-internat oʻquvchilari va faxriylar ham ishtirok etishdi. Stol tennisi musobaqasida ayollar oʻrtasida: 1-oʻrin Mirzo Ulugʻbek tumani IIO FMB Kadrlar bilan taʼminlash guruhi inspektori Goʻzal Ibragimovaga; 2-oʻrin Yakkasaroy tumani IIO FMB xotin-qizlar masalalari boʻyicha katta inspektori, kapitan Munira Djumabayevaga; 3-oʻrin Yakkasaroy tumani IIO FMB navbatchilik qismi inspektori, safdor Lobar Rahmonovaga berildi.
Erkaklar oʻrtasida: 1-oʻrin Bektemir tumani IIO FMB profilaktika inspektori, leytenant Suhrob Qahhorovga; 2-oʻrin vazirlik ixtisoslashtirilgan maktab-internat oʻquvchisi Abdurazzoq Pardayevga; 3-oʻrin Yunusobod tumani IIO FMB profilaktika inspektori, katta leytenant Azizbek Hayitboyevga nasib etdi.
Shaxmat bellashuvlarida: 1-oʻringa vazirlik ixtisoslashtirilgan maktab-internati oʻquvchisi Kamron Oʻsarov: 2-oʻringa Yakkasaroy tumani IIO FMB navbatchilik qismi katta inspektor-navbatchisi, kapitan Akromjon Ikromov: 3-oʻringa Olmazor tumani IIO FMB profilaktika inspektori, leytenant Javohir Esonjonovlar munosib topildi.
Shashka donalari surgan isteʼfodagi mayor Rauf Moʻminov birinchi; Uchtepa tumani IIO FMB xotin-qizlar masalalari boʻyicha katta inspektori, katta leytenant Marvarid Qalandarova ikkinchi; isteʼfodagi podpolkovnik Shuhrat Ahmedov uchinchi oʻrinlarni egallashdi.
Musobaqa gʻoliblariga Bosh boshqarma rahbariyatining diplom, medal va esdalik sovgʻalari topshirildi.