Toshkent shahar Ichki ishlar bosh boshqarmasida maʼnaviy-maʼrifiy tadbir bo‘lib o‘tdi
Toshkent shahar IIBB shaxsiy tarkibi bilan o‘tkazilgan navbatdagi Maʼnaviyat va maʼrifat darsi “Xodimlarning ijtimoiy himoyasi – doimiy eʼtiborda” mavzusiga bag‘ishlandi. Tadbirda O‘zbekiston Respublikasi IIV Akademiyasi katta o‘qituvchisi mayor Noʻmon Oqilov maʼruza qildi.
U o‘z nutqida, ichki ishlar organlari xodimlariga ko‘rsatilayotgan keng ko‘lamli eʼtibor, rag‘bat hamda imtiyozlar ularning yurtimiz tinchligi va osoyishtaligi yo‘lidagi saʼy-harakatlarida muhim poydevor bo‘lib xizmat qilayotganligini taʼkidlab o‘tdi.
Shuningdek, shaxsiy tarkibiga Abdulla Qodiriyning “O‘tkan kunlar” romani haqidagi videolavha namoyish etildi.
Tadbir yakunida ayrim xodimlarga navbatdagi unvonlar topshirish marosimi bo‘lib o‘tdi.