O‘zbekiston Respublikasi huquqni muhofaza qilish Akademiyasi bakalavriyatining “Tergov faoliyati” yo‘nalishiga 2023/2024-o‘quv yili uchun o‘qishga hujjat topshirish istagida bo‘lgan shaxslar 2023 yilning 15 may kuniga qadar (soat 09:00 dan 18:00 gacha) Toshkent shahar Ichki ishlar bosh boshqarmasi Ma'naviy-ma'rifiy ishlar va kadrlar bilan ta'minlash xizmatiga (Toshkent shahar, Mirobod tumani, Said Baraka ko‘chasi, 7-uy) murojaat qilishlari mumkin.

Nomzodlarga qo‘yilgan talablar:

- O‘zbekiston Respublikasi fuqarosi bo‘lishi;

- Toshkent shahrida doimiy ro‘yxatda bo‘lishi;

- yoshi o‘n yettidan kichik va yigirma beshdan (muddatli harbiy ximzatni yoki safarbarlik chaqiruvi rezervidagi harbiy xizmatni o‘tganalarning yoshi esa yigirma oltidan) katta bo‘lmasligi;

- o‘rta (11-sinf), o‘rta-maxsus va professional ma'lumotga ega bo‘lishi;

- erkak nomzodlarning bo‘yi 165 santimetrdan, ayol nomzodlarning bo‘yi 160 santimetrdan past bo‘lmasligi talab etiladi.

Tanlov shartlari:

Tanlov to‘rt (dastlabki tanlov, maxsus psixologik tanlov, yozma imtihon (diktant) va test sinovi) bosqichdan o‘tkaziladi.

- dastlabki tanlov nomzodlarning hujjatlarini to‘plash va o‘rganish (maxsus o‘rganish) hamda tibbiy ko‘rikdan o‘tkazish, hududiy ichki ishlar organlari tomonidan amalga oshiriladi.

- maxsus psixologik tanlov, yozma imtihon (diktant) va test sinovlari Oliy ta'lim, fan va innovasiyalar vazirligi huzuridagi Bilim va malakalarni baholash agentligi tomonidan o‘tkazilishi.