Sergeli tumani IIO FMBdan kelib tushgan xabarga ko‘ra, giyohvandlik vositalari va psixotrop moddalarni saqlash hamda sotish holatlariga chek qo‘yishga qaratilgan profilaktik tadbirlar davomida 26 yoshli To‘lqinjon K. ushlangan. Fuqaro xolislar ishtirokida tekshirilganda, uning yonidan 13 dona paketlarga qadoqlangan umumiy og‘irligi 3,9 gramm bo‘lgan sintetik giyohvandlik moddasi ashyoviy dalil sifatida olindi. Olib borilgan tezkor-qidiruv tadbirlari davomida, ushbu shaxs tomonidan turli xil joylarga 5 ta “zakladka” joylashtirgani ma'lum bo‘ldi. Sergeli tumani IIO FMB Tezkor-qidiruv xizmati xodimlari tomonidan mazkur joylar aniqlanib, u yerdan yana 1,5 gramm giyohvandlik moddalari ashyoviy dalil sifatida olingan.

Mazkur holat yuzasidan Sergeli tumani IIO FMB tomonidan tergovga qadar tekshiruv o‘tkazilmoqda. Tekshiruv yakuni bo‘yicha qonuniy qaror qabul qilinishi ta'minlanadi.

Hurmatli fuqarolar, agar siz muqaddam ushbu shaxs o‘zini shubhali tutib, biror narsani yashirayotganligini guvohi bo‘lgan bo‘lsangiz 71-233-71-47, 71-233-49-46, 71-206-42-54 yoki 102 raqami orqali xabar berishingizni so‘raymiz.