Волейбол бўйича Тошкент шаҳар ИИББ бошлиғи кубогининг 3-босқичи ЖАР спорт соғломлаштириш мажмуасида қизғин давом этмоқда.

Икки кун мобайнида ўтган ўйинларда ўғил боллар жамоасининг чорак финалида ғолиб бўлган қуйидаги маҳаллалар ярим финал ғолиблигини қўлга киритиш учун ўзаро беллашишди:

“А” гуруҳидан Юнусобод туманининг Нурмакон маҳалласи,

“В” гуруҳидан Янгиҳаёт туманининг Файизли маҳалласи,

“С” гуруҳидан Учтепа туманининг Ширин маҳалласи

“D” гуруҳидан Мирзо Улуғбек туманининг Ал-Фаробий маҳалласи.  

Қизғин ва муросасиз ўтган мусобақанинг ярим финалида Юнусобод ва Мирзо Улуғбек туманларининг жамоалари ўзаро беллашиб, 0-2 ҳисобида Мирзо Улуғбек туманининг Ал-Фаробий маҳалласи ғолиб бўлди.

Янгиҳаёт ва Учтепа туманларининг ўзаро беллашувида 2-1 ҳисобида Янгиҳаёт туманининг Файизли маҳалласи ғолибликни қўлга киритди.

Эндиликда Юнусобод ва Учтепа туманларининг жамоалари 3 ва 4-ўринлар учун ўзаро беллашса, Мирзо Улуғбек ва Янгиҳаёт тумани жамоалари 1 ва 2-ўрин учун ўзаро кураш олиб боради.

Сиз ҳам ўз жамоангизга мухлислик қилиб, уларни қўллаб-қувватламоқчи бўлсангиз, бугун ЖАР спорт соғломлаштириш мажмуасига ташриф буюришингиз мумкин.