Шайхонтоҳур тумани ИИО ФМБ бошлиғи бириктирилган 3-секторда  йиғилиш бўлиб ўтди. Унда ҳудудда жойлашган маҳаллалар фаоллари, ҳоким ёрдамчилари ва ёшлар етакчилари иштирок этишди. Сектор раҳбари полковник Отабек Жамолов жорий йилнинг 2-чорагида амалга оширилган ишлар якуни бўйича маълумот бераркан, йўл қўйилган камчиликларга ҳам тўхталиб, уларни бартараф этиш чораларига эътиборни қаратди. Иштирокчилар ўтган давр ичида амалга оширилган ишларни баҳолар экан мавжуд муаммолар, уларни ҳал этиш механизмлари, иш самарадорлигини ошириш масалаларини муҳокама этишди.

Шунингдек, келгусида ҳамкорликда амалга ошириладиган ишлар режаси келишиб олинди.