TOSHKENT SHAHAR ICHKI ISHLAR BOSH BOSHQARMASI

Dorini zaharga aylantirayotganlar

Giyohvand moddalar bilan bir qatorda  inson ruhiyatiga kuchli taʼsir  qiluvchi dori vositalari isteʼmoli so‘nggi paytlarda bot-bot o‘zini namoyon qilmoqda. Mazkur dorilar yoshlarimizning hayotiga kirib borayotgani sir emas. “Bu – giyohvand emas shunchaki, kayfiyatni ko‘taradigan, hayotga ishtiyoq uyg‘otadigan, kuch beradigan dori”, deydiganlar adashadi. Ular ham vujudni talvasaga tushiradi, qaramlikka olib keladi, kuchli og‘riqlar paydo qiladi, alaloqibat o‘lim bilan tugaydi.Mamlakat 30 yoshdan oshgan, ayni yetuk ayol yoshida, o‘z taqdirini o‘zi yaratish imkoniga ega. Ammo u tungi klublar va ko‘ngilochar maskanlarda yurishni, tarallabedod yashashni tanladi. O‘ziga mos “do‘stlar” orttirdi. Ular unga “tez boyib ketish yo‘llarini” o‘rgatishdi.                                      2023 yilning iyun kunlarining birida, soat 01.30larda  Mamlakat Dostonbek bilan  tungi  klublarning biri oldida uchrashadi. Ko‘p miqdorda kuchli taʼsir qiluvchi dorilarni  pulini sotganidan keyin berish sharti bilan oladi. Albatta, undan boshqa narxda olib, ustiga yana qo‘yib sotish uchun. Dostonbek shuncha dorilar bilan yurish xavfli ekanligini, uyiga eltib qo‘yishini aytadi. Yo‘lda Dostonbek boshqaruvidagi “Matiz” rusumli  avtomashina  Toshkent shahar IIBB YHXB xodimlari tomonidan to‘xtatilib tekshirilganda, har ikkisi o‘zlarini shubhali tuta boshlashdi. Avtomashina xolislar ishtirokida tekshirilganda, 240 dona  kuchli taʼsir qiluvchi dorilar aniqlanib, tegishli tartibda rasmiylashtirib olindi. Tergov jarayonida mazkur dorilar savdosiga aralashgan yana boshqa shaxslar ham aniqlandi. 1986 yilda tug‘ilgan, to‘rt marotaba sudlangan Davron, 1991 yilda tug‘ilgan, ilgari uch marta sudlangan Dostonbek, 1989 yilda tug‘ilgan Azizjonlardan iborat jinoiy guruh mo‘may pul topish maqsadida, kuchli taʼsir qiluvchi dorilar savdosini yo‘lga qo‘yishganligi maʼlum bo‘ldi.O‘z navbatida Davron ham nomaʼlum shaxslarga  ko‘p miqdordagi kuchli taʼsir qiluvchi dori vositalarini 500 AQSH dollariga  sotayotgan paytida huquqni muhofaza qilish idoralari xodimlari tomonidan qo‘lga olindi. Tergov  jarayonida Dostonbek  Azizdan  160 dona  kuchli taʼsir qiluvchi dori vositalarini sotish uchun olganligini bildirdi. Dostonbekning ko‘rsatmalariga asosan, uning vaqtinchalik yashash manzili, Chilonzor tumanidagi xonadon ko‘zdan kechirilganda, puxta yashirib qo‘yilgan jami 200 donadan ortiq bir necha nomdagi kuchli taʼsir qiluvchi dorilar xolislar ishtirokida rasmiylashtirib olindi.– Tergovda  Davron va Dostonbeklar  keltirilgan ashyoviy dalillar, ekspertiza xulosalariga, hamtovoqlari bilan yuzlashtirilishiga qaramay, jinoyatlarini rad eta boshlashdi, – deydi Chilonzor tumani IIO FMB huzuridagi Tergov bo‘limi katta tergovchisi, mayor  Kamoliddinn Narziyev. – Biroq dastlabki tergovda ularning aybi to‘liq isbotlandi. Jinoyat ishlari bo‘yicha Chilonzor tumani sudi  keltirilgan dalillar, videotasvirlar, o‘tkazilgan ekspertiza xulosalariga tayanib, jinoiy guruh aʼzolariga qonuniy jazo tayinladi. Chunonchi, Mamlakat O‘zbekiston Respublikasi Jinoyat kodeksining 251 prim.1-moddasiga asosan aybli deb topilib, olti  yilga ozodlikdan mahrum qilindi.Davron O‘zbekiston Respublikasi Jinoyat kodeksining 251 prim.1-moddasiga asosan, yetti  yilga ozodlikdan mahrum qilindi.Dostonbek O‘zbekiston Respublikasi Jinoyat kodeksining 276-moddasi, 251 prim.1-moddasi bilan aybli deb topilib, jinoyatlar majmui tariqasida  tayinlangan jazolarni qisman qo‘shish yo‘li bilan 8 yilga ozodlikdan mahrum qilindi.Aziz O‘zbekiston Respublikasi Jinoyat kodeksining 251 prim.1-moddasi bilan yetti yilga ozodlikdan mahrum qilindi.Barcha sudlanuvchilar jazoni o‘tash joylarida toksikomaniyadan majburiy davolanishi belgilandi.Shu o‘rinda narkomaniya  va toksikomaniya kasalligiga chalingan shaxslarning panjara ortida  umrlarining eng gullagan, eng yorqin, eng bebaho yillarini to‘rt devor ichida o‘tishiga bir necha lahzalik kayfu safo arzirmikan, deb so‘raging keladi. Ularining ham farzandlari bor. Xo‘sh, farzandlarning ahvoli nima bo‘ladi?! Dorilar taʼsirida  kayfga berilib, dunyo tashvishlarini unutib, “osmonda uchib yurgan” paytlarida bolalarining taqdiri haqida o‘ylamasa kerak bangilar. Shu dorilarni o‘zgalarga sotayotganida-chi, nimani o‘ylagan, o‘zining farzandlari shu dorilardan zaharlansa nima bo‘lardi?!Odatda ular boshida bu giyohvandlik emas, bu qaramlikka olib kelmaydi, istagan paytimda voz kecha olaman, deb o‘ylashadi.  Ammo bu ularning umrlarini yemirib, qaramlikka, isteʼmol qilmasa jon talvasasiga tushishiga, bor-budini sotishga, sog‘lig‘i yo‘qolishiga, oilasi parokanda bo‘lishiga olib kelganiga guvoh bo‘lganmiz. Halollik qolib haromni tanlagan kimsalarning holi ertami kechmi shunday tugashi aniq.

20 Iyun 2024 Yil

148

Ishongandim do‘stimga...

— Telefoningni berib tur, qo‘ng‘iroq qilib olay.Rustam (ism-shariflar o‘zgartirilgan) o‘rtog‘iga o‘zining telefoni pul yo‘qligi sabab o‘chib qolganini bahona qilib,  telefonni so‘radi. Do‘stlarning bir-biridan narsa so‘rashi albatta, odatiy hol, buning  yomon tomoni yo‘q. Do‘stlar bir-birlariga ishonishi kerak, har holda ularning biri shunday deb o‘ylardi. Bu suhbat 2023 yilning may oyida bo‘lib o‘tdi.  Keyinchalik bu murojaat ortidagi aldash, xiyonat natijasida o‘rtadagi munosabatlarga putur yetib, jinoyat ishi qo‘zg‘atilishiga olib keldi. Jinoyat tafsilotlari bilan Toshkent shahar IIBB huzuridagi Tergov boshqarmasi tergovchisi, leytenant Iqbol Turg‘unov tanishtirdi.Og‘ir-vazmin, mushohadali Temur hamisha sarguzasht ishqibozi bo‘lgan Rustamning aksi. Ikki do‘st oliygohni bitirib, nufuzli firmalarda ish boshlashdi. Yuqori maosh, mukofot pullari, mansab pog‘onalarida yuqorilash imkoni ikkisiga yirik omad kulib boqqanidan darak edi. Biroq har biri bu imkoniyatlardan har xil foydalanardi. Rustam bor topganini kayf-safoga sarflar, oy oxiriga borib, cho‘ntagida hemiri qolmasdi. Har safar Temur uning joniga aro kirardi. Temur bir necha bor uning bu  tarallabedod  yurish-turishi noto‘g‘ri ekanligini tushuntirishga urindi. Biroq u yoshlik o‘ynab-kulish uchun berilganligini taʼkidlardi. Har doimgidek, oyning o‘rtasiga kelib Rustamning cho‘ntagida hech vaqo qolmadi. Shundoq ham Temurdan qarzi bo‘lgan Rustam bu gal undan pul so‘rashga or qildi va reja tuzdi. Voqeaning boshidagi holatni ko‘z oldingizga keltiring: u Temurning telefonini olib ko‘chaga otildi. Avvaldan uning ilovasidagi barcha parollarni bilib olgan Rustam ilova orqali do‘stining 600 ming so‘mini o‘z kartasiga o‘tkazib yubordi. Aslida Temur ularni do‘stidan sir tutmagan ham edi. Ikki hafta o‘tib yana 1.700.000 so‘mini o‘tkazdi. Do‘stining  qing‘irligiga shubha qilmagan Temur bir oydan so‘nggina uyali telefoni orqali uning nomiga onlayn kredit rasmiylashtirilganligini bilib, bank maʼmuriyatiga eʼtiroz qilgani yo‘l oldi. Holat bo‘yicha o‘tkazilgan tergov ishlari poyoniga yetib, tergovchidan  o‘z do‘sti uni laqillatganini bilgan Temur avvaliga ishongisi kelmadi. Ammo dalillarga qarshi borib bo‘lmaydi.Mazkur  ish bo‘yicha Toshkent shahar IIBB huzuridagi Tergov boshqarmasi tomonidan O‘zbekiston Respublikasi Jinoyat kodeksining 169-moddasi (“O‘g‘irlik”) bilan jinoyat ishi qo‘zg‘atildi. Tergov yakuni bo‘yicha jinoyat ishi qonuniy chora ko‘rish uchun ayblov xulosasi bilan sudga taqdim etildi.  Jinoyat ishlari bo‘yicha Mirobod tumani sudi tomonidan Rustamga qilmishlari uchun uch yilga ozodlikni cheklash jazosi tayinlandi.

20 Iyun 2024 Yil

297

Kelajakni bugun yaratamiz

       Bolalar – kelajagimiz. Kelajak haqida qayg‘urmaydigan jamiyatni topish qiyin. xalqimiz esa azaldan bolajon xalq. Har neki yaxshini  farzandiga ilinadi. Dunyo bo‘yicha bolalar haq-huquqlariga, emin-erkin, baxtli yashashiga doir qabul qilinadigan har bir hujjat yurtimiz rahbari tomonidan eʼtiborga olinib, amaliyotda qo‘llanilib kelinmoqda. Yurtimizda hech bir bola dini, rangi, irqi, millatidan qatʼiy nazar o‘z-o‘ziga tashlab qo‘yilmagan, uning taqdiriga befarqlik, loqaydlik bizga begona. Respublikamizda voyaga yetmagan qarovsiz qolgan, ijtimoiy himoyaga muhtoj bolalar aniqlanib, ularga har tomonlama yordam berish yo‘lga qo‘yilgan. Bu savobli va xayrli ishlarga Toshkent shahar IIBB ham bosh-qosh. Bunga Toshkent shahar hokimi, shahar prokurori, DXX Toshkent shahri bo‘yicha boshqarmasi boshlig‘i va poytaxt IIBB hamkorligida tasdiqlangan qo‘shma Dastur misol bo‘la oladi. Unga ko‘ra poytaxt hududida yashovchi 15 yoshdan 18 yoshgacha bo‘lgan huquqbuzarlik va jinoyat sodir  etishga moyil, tarbiyasi og‘ir deb topilgan, salbiy xatti-harakatlar sodir etganligi uchun profilaktik hisobga olinib, “Qizil toifa”ga kiritilgan yoshlar o‘rtasida olib borilayotgan ijobiy ishlar eʼtirofga loyiqdir. Yuqorida keltirilgan voyaga yetmaganlarning yurtimizning to‘laqonli farzandlari bo‘lib yetishishi, kamol topishini maqsad qilgan Dasturda belgilangan chora-tadbirlar bosqichma-bosqich amalga oshirib kelmoqda.      Toshkent shahar IIBB Huquqbuzarliklar profilaktikasi boshqarmasi voyaga yetmaganlarga ijtimoiy-huquqiy yordam ko‘rsatish Markazida o‘tkazilgan yig‘ilish ana shu mavzuga qaratildi. Unda hamkor tashkilotlar masʼullari ishtirok etib, 3-bosqichni samarali o‘tkazish borasida fikr-mulohazalar tinglandi. Amaliy ishlar uchun jalb qilinadigan kuch-vositalar, amalga oshirilishi lozim bo‘lgan chora-tadbirlar, vazifalar belgilab olindi.      Bolalarning salomatligi birinchi navbatdagi vazifa bo‘lganligi bois, Markazga qabul qilingan 30 nafar voyaga yetmagan o‘g‘il bolalar Toshkent shahar IIBB Tibbiyot bo‘limi shifokorlari tomonidan ko‘rikdan o‘tkazildi. O‘smirlarning jismoniy rivojlanishi, vatanparvarlik ruhida tarbiyalash bo‘yicha ular o‘rtasida turli sport o‘yinlari, boshlang‘ich harbiy tayyorgarlik mashg‘ulotlari o‘tkazilishini eʼtiborga olib, ular sport va harbiy ust-boshlar bilan taʼminlandi.Tariximizni o‘rganish, qadriyatlarimizni eʼzozlash kabi maʼnaviy-madaniy bilimlarini oshirishga qaratilgan tadbir davomida, bolalar Toshkent viloyatida joylashgan “Zangiota” ziyoratgohiga tashrifi chog‘ida majmua yaratilishi tarixi, unda makon topgan azizu avliyolarning umr yo‘llari haqidagi bilimlarga ega bo‘ldilar. Shuningdek, maxsus kurs jarayonida yoshlarning poytaxtimizdagi “Hayvonot bog‘i”ga tashrifi uyushtirildi. Maxsus kursning 3-bosqichi tarbiyalanuvchi yoshlarini vatanparvarlik ruhida, kelajakda yurtimizning munosib farzandlari bo‘lib kamol topishi borasida oldinda hali qilinadigan ishlar ko‘p va ular amalga oshirilishi shubhasiz. Maqsad esa bitta – baxtli, farovon kelajagimizni yaratish.

19 Iyun 2024 Yil

217

Interaktiv xizmatlar

Text to speech