Янгиҳаёт туманидаги 331-сонли умумтаълим мактабида тумани ички ишлар органлари фаолиятини мувофиқлаштириш бошқармаси бошлиғи 3-сектор раҳбари подполковник Сарвар Жўраев ташаббуси билан ўтказилган "Ёшлар миллийлик тарғиботчилари" кўрик-танловининг тантанали тақдирлаш маросими бўлиб ўтди.

Тадбирга туман мактабгача ва мактаб таълими бўлими бошлиғи Умида Арипова, ёшлар ишлари агентлиги раҳбари Соҳиб Бахромович, 3-сон ИИБ бошлиғи, Марҳамат маҳалласи раиси Бахтиёр Мирзақуловлар ташриф буюришди.

Кўрик-танлов 11-синфлар ўртасида ўтказилиб, ўқувчилар ҳафта давомида машғулотларда миллийлигимизни акс эттирувчи либосларда иштирок этишлари, давомат ва одоб-ахлоқ қоидалари ҳамда видеоролик шартлари бўйича баҳоландилар. Юқори кўрсаткичларни қайд этган синфлар 3-сектор раҳбари томонидан қимматбаҳо совғалар билан муносиб рағбатлантирилди. Бу каби тадбирлар ёшлар ўртасида миллий ғурур, ватанга садоқат ва халққа муҳаббат каби туйғуларни кенг тарғиб қилишга хизмат қилади.