Янгиҳаёт туманида “Зўравонликка қарши 16 кун” акцияси доирасида “Биз зўравонликка қаршимиз!” шиори остида тадбир ташкил этилди. Унда туман ИИО ФМБ хотин-қизлар масалалари бўйича инспекторлар, “Ташаббус” маҳалласи аёллари иштирок этди.

Ташкилотчилар томонидан “Хотин-қизлар ва эркаклар учун тенг ҳуқуқ ҳамда имкониятлари кафолатлари тўғрисида”ги Қонун, “Бола ҳуқуқлари тўғрисида”ги Конвенция ва бошқа ҳуқуқий ҳужжатларнинг мазмун-моҳияти кенг тушунтирилди. Тадбирда хотин-қизларнинг ҳуқуқ ва манфаатларини ҳимоя қилиш, уларга нисбатан зўравонликнинг олдини олиш, хотин-қизларнинг жамиятдаги мавқеини янада ошириш, гендер тенглигини таъминлаш масалалари юзасидан фикр алмашилди.

Мазкур тадбир давомида хотин-қизларни тазйиқ ва зўравонликдан ҳимоя қилиш мавзусига оид видеоролик, слайдлар иштирокчиларга намойиш этилди. Учрашув сўнгида иштирокчилар ўзларини қизиқтирган саволлар билан мурожаат қилиб, мутахассислардан жавоблар олдилар.