Тошкент шаҳар ИИББ бошлиғи генерал-майор Азиз Ташпулатов бошчилигида видеоселектор бўлиб ўтди. Унда Янги йил байрамини юқори даражада ўтказишга тайёргарлик кўриш ва жамоат хавфсизлигини таъминлаш, пиротехника воситаларини ноқонуний муомаласига қарши курашиш борасида амалга оширилаётган ишлар муҳокама қилинди.

Йиғилишда пойтахтдаги барча туман ИИО ФМБ бошлиқлари, соҳавий хизмат раҳбарлари ва мутасаддилар иштирок этди. Туманларда бу йўналишда амалга оширилаётган ишлар ўрганилди, масъулларнинг ҳисоботи тингланди.

Йиғилиш сўнгида пойтахт ИИББ бошлиғи мутасаддиларга тегишли топшириқ ва кўрсатмалар берди ҳамда ижроси юзасидан муддатлар белгиланди.