“Vatanparvarlik oyligi” doirasida Toshkent shahar IIBBda “Eng yaxshi ekspert-kriminalist” ko‘rik tanlovining shahar bosqichi bo‘lib o‘tdi. Musobaqalarda Bosh boshqarma Ekspert-kriminalistika markazi va hududiy EKBlarda xizmat qilayotgan xodimlar ishtirok etdilar.
Tanlov 3 bosqichda o‘tkazildi. Birinchi shartda tanlov ishtirokchilari sohaviy xizmat, ma'naviy-ma'rifiy yo‘nalish, jangovar va xizmat tayyorgarligi bo‘yicha test sinovlarini topshirishdi. Keyingi shartda ishtirokchilar «Kalashnikov» avtomati va «Makarov» pistoletini to‘liqsiz qismlarga ajratish bo‘yicha o‘zaro kuch sinashishdi. Yakuniy uchinchi bosqichda –hakamlar hay'ati xodimlar bilan suhbat o‘tkazib, ularning bilim va ko‘nikmalarini yana bir bor sinovdan o‘tkazishdi.
Ko‘rik tanlov natijalariga ko‘ra 1-o‘rin Bosh boshqarma Ekspert kriminalistika markazi bosh eksperti, kapitan G‘ayrat Nabievga nasib etdi. Shohsupaning ikkinchi pog‘onasini Bosh boshqarma Ekspert kriminalistika markazi katta eksperti, mayor Xamid Raximbaev egalladi. 3 - o‘rin egasi esa Mirzo Ulug‘bek tumani bo‘yicha IIO FMB eksperti, katta leytenant Arslon Mansurov bo‘ldi.
G‘oliblar tanlovning respublika bosqichiga yo‘llanma oldilar.