Xalqaro bolalarni himoya qilish kuni munosabati bilan Toshkent shahar IIBB JTSB TTG va poytaxt Veterinariya va chorvachilikni rivojlantirish boshqarmasi tomonidan xizmat vaqtida halok bo‘lgan, IIBBda samarali mehnat qilib nafaqaga chiqqan xodimlarning farzandlari hamda ijtimoiy himoyaga muhtoj oilalarning bolalarini poytaxtimizning Anhor Lokomotiv istirohat bog‘iga taklif etishdi. Bolajonlar vaqtlarini maroqli o‘tkazdilar, turli-tuman attraksionlarda miriqib uchdilar. Bayram so‘ngida har bitta bolaga esdalik uchun sovg‘alar ulashildi.
Shuningdek, Yunusobod tumani IIO FMB rahbariyatining tashabbusi bilan bolalar uchun Toshkent zooparkiga ekskursiya tashkil etildi. Sayr davomida bolalar tovus, tuyaqush, oqqushlar, maymunlar, ayiqlar, yo‘lbars va sherlarni tomosha qilishdi. Ushbu sayr hech kimni befarq qoldirmadi va bolalarga a'lo kayfiyat bag‘ishladi.