Ички ишлар органлари тизимидаги шахсий таркиб ўртасида соғлом турмуш тарзини тарғиб қилиш, жисмоний тарбия билан мунтазам шуғулланиш масалалари доимий эътиборда бўлиб, тизимда турли спорт мусобақалари мунтазам ўтказиб келинмоқда.

Жумладан, пойтахтда ИИВ таркибий ва ҳудудий бўлинмаларида хизмат олиб бораётган хотин-қизлар ўртасида спортнинг волейбол тури бўйича “Ички ишлар вазири кубоги” мусобақасининг финал босқичи бўлиб ўтди. Унда Қорақалпоғистон Республикаси ИИВ, Тошкент шаҳар ИИББ, Наманган ва Сурхондарё ИИБ аёллар жамоалари ўзаро баҳс олиб борди.

Қизғин ва муросасиз ўтган беллашувлар якуни бўйича Тошкент шаҳар ИИББ аёллар жамоаси учинчи ўрин соҳибига айланди. Қорақалпоғистон Республикаси терма жамоаси иккинчи ўринни банд этди ва Наманган вилояти ИИБ жамоаси биринчи ўринни қўлга киритди.

Ғолиб ва совриндор жамоалар Кубок, диплом ҳамда қимматбаҳо совғалар билан тақдирланди.

Тошкент шаҳар ИИББ раҳбарияти ва шахсий таркиби номидан бош бошқарма аёллар жамоасини ғалаба билан табриклаймиз!