Куни кеча пойтахт ИИББ ҳузуридаги жамоатчилик кенгаши вакиллари учун ИИО ходимларининг фаолияти билан яқиндан танишиш ва муаммоларни ўрганиш мақсадида пресс тур ўтказилди. Дастлаб кенгаш аъзоларига Тошкент Шаҳар ИИББ Ягона тезкор бошқарув маркази фаолияти таништирилди. Марказда бошқа ташкилотлар билан йўлга қўйилган ҳамкорлик ҳақида маълумот берилди. Жамоатчилик кенгаши аъзолари вa пресс тур иштирокчилари ўзларининг саволларига жавоб олишди.

Шундан сўнг Янгиҳаёт туманидаги 2-сонли ИИБ га ташриф буюрилди. Жамоатчилик кенгаши аъзолари Навбатчилик қисми ходимлари, профилактика инспектори ва ходимлар билан бевосита суҳбатлашди, ходимларга яратилган шароитлар билан яқиндан танишишди. 2-сонли ИИБ бошлиғи ушбу ҳудуддаги 7 та маҳаллага хизмат кўрсатилиши, иккита маҳалла яшил ҳудуддалиги, 5 таси эса сариқ ҳудуд тоифасига киритилганлиги, фуқароларнинг хавфсизлигини таъминлаш, жамоат тартибини сақлаш мақсадида ходимлар навбатчилик асосида туну кун хизмат олиб бориши ҳақида маълумот берди.