Ҳурматли Республикамиз Қуролли Кучлари ҳарбий хизматчилари, ҳамкасблар, фахрийлар, устозлар ва Ватан ҳимояси йўлини танлаган шарафли касб эгалари!
Сизларни Ўзбекистон Республикаси Қуролли Кучларининг 33 йиллиги ҳамда “14 январь – Ватан ҳимоячилари куни” муносабати билан Тошкент шаҳар Ички ишлар бош бошқармаси шахсий таркиби ва шахсан ўз номимдан самимий муборакбод этаман!
Сизларга сиҳат-саломатлик, бахт-саодат, хонадонингизга тинчлик, хотиржамлик, файзу барака тилайман! Ўз ҳаётини юртимиз тинчлиги ва осойишталиги, фуқароларимизнинг ҳуқуқ ва эркинликларини ҳимоя қилиш, жамиятимизда қонун устуворлигини таъминлашдек шарафли ва масъулиятли ишга бағишлаб келаётган Сиз азизлар, муҳтарам фахрийлар, бу йўлда хизмат бурчини бажариш чоғида ҳалок бўлган ҳамкасбларимизнинг оила аъзоларига чуқур миннатдорлик изҳор этаман.
Муҳтарам ҳамкасблар, Қуролли Кучларимиз ҳарбий хизматчилари, Ватанни ҳимоя қилишдек шарафли ва масъулиятли ишларингизда омад доимо ёр бўлсин! Юртимиз тинч, осмонимиз мусаффо бўлсин!

Ҳурмат билан,
Тошкент шаҳар Ички ишлар бош бошқармаси бошлиғи
генерал-майор Азиз Ташпулатов