Shayxontohur tumani 3-sektor mas'ul xodimlari, hududda yashovchi yoshlarni ilg‘or g‘oya, taklif va tashabbuslari bilan yaqindan qiziqib, ularning muammolarini hal qilish bo‘yicha amaliy yordam ko‘rsatishmoqda. Xususan, Shayxontohur tumani IIO FMB boshlig‘i – 3-sektor rahbari polkovnik Oybek Murodov tomonidan o‘ziga biriktirilgan mahallalardagi muammolarni o‘rganish, yoshlar bandligini ta'minlash, vaqtlarini mazmunli o‘tkazishlarini tashkil etish maqsadida, sentyabr oyi davomida “Kattaxovuz”, “Sarxumdon” va “Obinazir” mahallalarida 3 marotaba yoshlar bilan yig‘ilishlar o‘tkazildi.
Jumladan, sayyor qabullar davomida jami 36 nafar yoshlar murojaat qildi. Shundan, zamonaviy kasblarni egallash, axborot-texnologiyalarini va xorijiy tillarni o‘rganish bo‘yicha o‘quv kurslarida o‘qish hamda ijtimoiy himoyaga muhtoj iqtidorli yoshlarni ilm-fan, sport, san'at va madaniyat yo‘nalishlaridagi o‘quv kurslari uchun 5 nafar yoshlarga o‘qish xarajatlari, 5 nafar oliy ta'lim muassasalarida o‘qiyotgan yoshlarga kontrakt pullari, 7 nafar tadbirkorlik faoliyatini boshlash istagida bo‘lgan yoshlarga asbob–uskuna sotib olish hamda 3 nafar yoshlarni davolanish xarajatlari to‘lab berildi.
Shuningdek, sentyabr oyida tuman hokimligi Yoshlar ishlari agentligi bilan hamkorlikda “Yoshlar jamg‘armasi” hisobidan jami 22 nafar yoshlarga moddiy yordam pullari berildi.