Тошкент шаҳар ИИББ бошлиғи Шайхонтоҳур тумани ёшлари билан учрашди

28 Сентябр 2022 йил 1411

Тошкент шаҳар ИИББ бошлиғи Шайхонтоҳур тумани ёшлари билан учрашди

Тошкент шаҳар ИИББ бошлиғи генерал-майор Азиз Ташпулатовнинг ёшлар билан навбатдаги учрашуви Шайхонтоҳур туманида бўлиб ўтди. Тадбирда ИИББ бошлиғининг ўринбосарлари, Шайхонтоҳур тумани сектор раҳбарлари, туман ИИО ФМБ бошлиғи полковник Ойбек Муродов, туман ҳокими Ботир Зоҳидов, соҳавий хизмат раҳбарлари ва 190 нафар ишсиз ва уюшмаган ёшлар, ҳамда пробация рўйхатида турувчи ёшлар қатнашдилар.
Учрашув давомида Тошкент шаҳар ИИББ бошлиғининг ёшлар билан сайёр қабули ҳам ўтказилди. Сайёр қабулда ёшлар 40 дан зиёд масалалар билан мурожаат этишди. Мурожаатларнинг 7 тасига жойида ҳуқуқий тушунтириш берилиб, қолган 34 та ёшларнинг кредит, тиббий жарроҳлик амалиёти ўтказиш, касбга тайёрлаш учун ўқув курсларига йўналтириш, иш билан таъминлаш ҳамда тўлов-контракт бадали масалаларини ҳал этиш мақсадида, тегишли тартибда топшириқлар берилиб, назоратга олинди. Йиғилиш давомида “Ёшлар дафтари”га киритилган 12 нафар ёшларга турли хилдаги техникалар ажратилганлиги тўғрисида сертификатлар, 12 нафар ёшларга хорижий тил ва касб-хунар, ҳайдовчилик бадалини қоплаш бўйича субсидия ажратилганлиги тўғрисида сертификатлар, 5 нафарига эса олий ва профессионал таълим контракт тўловини қоплаш юзасидан сертификатлар топширилди. Тадбир якунида ИИББ бошлиғи томонидан, учрашувда фаол қатнашган 30 нафар ёшларга эсдалик совғалари берилди.
Бу каби учрашувлар шаҳарнинг барча туманларида ўтказилмоқда.