Ижтимоий тармоқларда ИИО ходими аёл кишининг телефонини олиб қўйган ҳолати акс этган видео тарқалмоқда. Мазкур ҳолат юзасидан қуйидагиларни маълум қиламиз.
Жорий йилнинг 22 июнь куни Учтепа туманида коммунал хизматлари бўйича раҳбар Х.Норқулов хизмат фаолиятини олиб бораётганда фуқаро Л.Ирина уни қўл телефонида видеотасвирга олганлиги сабабли улар ўртасида ўзаро тортишув юзага келган. Тортишувга ИИО ходими Б.Анваров ҳам аралашган. Ҳозирда мазкур ҳолат юзасидан Тошкент шаҳар ИИББ томонидан хизмат текшируви ўтказилмоқда. Текширув якуни бўйича ходимнинг ҳаракатига қонуний баҳо берилади.