Шайхонтоҳур туманида юртбошимиз томонидан жорий йилнинг 3 январь куни имзоланган ПҚ-1 сонли Қарорда белгиланган чора-тадбирлар ижросини таъминлаш ҳамда маҳаллаларда амалга оширилаётган ишлар юзасидан йиғилиш бўлиб ўтди. Халқаро Ислом Академиясида ўтказилган мазкур учрашувда туман сектор раҳбарлари, маҳалла еттилиги, масъул идоралар ва ташкилот мутасаддилари ҳамда соҳавий хизмат раҳбарлари иштирок этди.

Муҳокама жараёнида “Маннон Уйғур”, Ўзбекистон”, «Ибн Сино», “Эски Жарариқ”, «Шайхонтоҳур», «Гулбозор», «Кўкча», «Сархумдон», «Камолон», “Олим Хўжаев”, “Самарқанд Дарвоза”, «Чақар», «Оқилон», “Катта Ховуз”, «Сузукота», «Янгиобод», «Боғ-кўча», «Илғор», “Камолон Дарвоза”, «Тинчлик», «Бўстон», “Катта Жарариқ”, «Хувайдо», “Янги Жарариқ” ва «Зангиота» маҳаллаларда профилактик ишларни манзилли ташкил қилиш чоралари етарли даражада йўлга қўйилмаганлиги таъкидланди. Ушбу маҳаллалар еттилигининг фаолияти танқидий муҳокама қилиниб, масъул раҳбарларга тегишли топшириқлар берилди.

Йиғилиш сўнгида, қарор ижросини таъминлаш борасида самарали меҳнат қилиб, бошқаларга ўрнак бўлаётган ички ишлар бўлимлари бошлиқлари туман ҳокими томонидан ташаккурнома ва эсдалик совғалар билан тақдирланди.