Ўзбекистон Республикаси Қуролли кучлари ташкил этилганлигининг 33 йиллиги ҳамда Ватан ҳимоячилари куни муносабати билан жойларда байрам тадбирлари кенг нишонланмоқда. Зеро, Юртини ҳимоя қилиш, халқ тинчлиги ва осойишталикни таъминлаш йўлини танлаган ҳар бир шахс Ватан ҳимоячиси саналади.
Сана муносабати билан Тошкент шаҳар ИИББда ташкил этилган байрамда бош бошқарма ва қуйи тизимлар раҳбарияти, шахсий таркиби ва фахрийлар иштирок этди. Тадбир бошида жанговор байроқ олиб кирилиб, юртимиз мадҳияси янгради. Сўнг пойтахт ИИББ бошлиғи генерал-майор Азиз Ташпулатов иштирокчиларга Ички ишлар вазири генерал-лейтенант Пулат Бобожоновнинг ички ишлар органлари ва фахрийларига байрам табригини ўқиб эшиттирди.
Бош бошқарма бошлиғи А.Ташпулатов мамлакатимиз хавфсизлигини таъминлаш, юрт осойишталигини сақлашда куч тузилмаларининг муҳим бўғинларидан бири – ички ишлар органлари ходимларининг вафизаси юксак эканлигини алоҳида таъкидлади. Тизимда амалга оширилаётган кенг кўламли ислоҳотлар натижасида ҳар бир ходим Ватанга ва халққа садоқат билан хизмат қилишни олий бурчи деб биладиган, барча саъй-ҳаракатлар инсон қадри учун йўналтирилган профессионал тузилмаган айланаётганлиги эътироф этилди.
Тадбирда Ички ишлар вазирининг буйруғига асосан, шунингдек бош бошқарма бошлиғининг буйруғига асосан мукофотланган ходимларга идоравий кўкрак нишонлари, махсус унвонлар ва фахрий ёрлиқлар тантанали равишда топширилди.
Тадбир сўнгида Тошкент шаҳар ИИББнинг “Ниҳол” жамоаси томонидан саҳналаштирилган бадиий чиқишлар ва ватанпарварлик руҳидаги куй-қўшиқлар янгради.