Bilamizki respublikamiz xududida Pirotexnika vositalaridan foydalanish qonun bilan ta’qiqlangan, lekin shunga qaramay yangi yil bayramlari turli xildagi pirotexnika vositalari bilan bog`liq bo`lib qolgan. Аmmo ko`pchilik yosh avlod vakillari va hatto yoshi kattalar pirotexnika vositalari sog`liq uchun xavfli ekanligini unutib qo`ymoqdalar. Shu o’rinda yana bir bor eslatib o`tamiz, pirotexnika vositalaridan noqonuniy foydalanish ma`muriy choralar qo`llanilishiga sabab bo`ladi.
Yaqinda ijtimoiy tarmoqlarda tarqalgan videolardan birida bir guruh yoshlar turli pirotexnika buyumlaridan foydalanganlari aks etgan. Ushbu holat bo`yicha quyidagilarni ma`lum qilamiz. 2021-yilning 31-dekabridan joriy yilning 1-yanvariga o`tar tunda 32 yoshli Zabixullo U., 25 yoshli Ubaydulla S. va 28 yoshli Sitora U.lar Chilonzor tumani Chilonzor va Cho`pon-ota ko`chalari kesishmasida ya’ni, jamoat joyida bo`la turib, Xitoyda ishlab chiqarilgan va sifat sertifikatiga ega bo’lmagan pirotexnika vositalaridan foydalanishgan va bu xatti-xarakatlari bilan o’z salomatliklarini xavf ostiga qo’ygan holda ma`muriy xuquqbuzarlik sodir etishgan. Mazkur holat yuzasidan O`zbekiston Respublikasi Ma’muriy javobgarlik to`g`risidagi kodeksining 185-moddasi 1-qismi bo`yicha bayonnoma rasmiylashtirildi.