Тошкент шаҳар ИИББ шахсий таркиби билан ўтказилган навбатдаги Маънавият ва маърифат дарси “Ўзбек тили – ўзлигимиз тимсоли” мавзусига бағишланди. Тадбирда Алишер Навоий номидаги Тошкент давлат ўзбек тили ва адабиёти университети вакили Абдумурод Тилавов маъруза қилди. У ўз нутқида, ўзбек тили жонажон Ватанимизда яшаётган барча фуқароларимиз учун азиз ва қадрли тилга айланиши, унинг жозибадорлигини ошириш учун барча куч ва имкониятларни сафарбар этишимиз зарурлигини таъкидлаб ўтди. Зеро, тил – ўзлигимизни англаш рамзи, унга бўлган ҳурмат, халқимизга, унинг бетакрор маданияти ва тарихига ҳурматдир.

Тадбир якунида йиғилиш иштирокчиларга “Таҳлилнома” ахборот дастури ҳамда “Сайлов-2024” номли видеоролик намойиш этилди.

Шунингдек, 21 октябрь - "Ўзбек тили байрами" куни муносабати билан Ўзбекистон Республикаси ИИВ 1-сонли Тошкент академик лицейида “Сиз тилни асрангиз!” шиори остида тадбир бўлиб ўтди. Ушбу байрам тадбирига меҳмон сифатида ўзбек романчилиги асосчиси Абдулла Қодирийнинг набираси Маҳзуна Қодирий ташриф буюрдилар.

Бир-биридан мазмунли саҳна кўринишлари ҳамда иқтидорли ўқувчиларнинг ифодали шеър ва қўшиқлар айтиши барчани бирдек қувонтирди. Тадбир кўтаринки руҳда ўтказилиб, ўқувчилар ушбу байрамдан ҳам маънавий ҳам маданий озуқа олишди.