Миробод туманида ИИО ФМБ пробация гуруҳи ташаббуси билан ҳисобда турган шахслар учун сайёр суд мажлиси ўтказилди.

Судда инсонпарварлик тамойилига таяниб, меҳнатга ҳалол муносабатда бўлган ва жазо ўташ тартиб-қоидаларига риоя қилиб, тузалиш йўлига ўтган, хулқини ижобий томонга ўзгартирган 3 нафар шахс муддатидан илгари ўтаётган жазоларидан шартли равишда озод қилинди.

Шунингдек, суд раиси томонидан иштирокчиларга қонунчиликдаги ўзгартиришлар ва суд-ҳуқуқ соҳасида амалга оширилаётган янгиликлар борасида маъруза қилиниб, маҳкумларнинг фикр ва мулоҳазалари тингланди.