Тошкент шаҳар Ички ишлар бош бошқармасида маънавий-маърифий тадбир бўлиб ўтди
Тошкент шаҳар ИИББ шахсий таркиби билан ўтказилган навбатдаги Маънавият ва маърифат дарси “Чўлпон – озодлик ва адолат куйчиси” мавзусига бағишланди. Тадбирда Ўзбекистон Ёзувчилар уюшмаси бўлим бошлиғи Маъмура Захидова маъруза қилди. У ўз маърузасида, Чўлпон ижоди ўзбек адиблари ижодига катта таъсир кўрсатганлигини, унинг адабий мероси шеърият, наср, драматургия, публицистик ва адабий-танқидий мақолалар ҳамда таржималардан иборат эканлиги алоҳида таъкидлаб ўтди. Шунингдек, йиғилиш иштирокчиларига “Ўзбекистон 24” телеканали томонидан тайёрланган Ўзбекистон Республикаси Президенти Шавкат Мирзиёевнинг Францияга ташрифи ҳақидаги лавҳа намойиш этилди.