Касбий тайёргарлик ойлиги: Тошкент шаҳар ИИББ ходимлари енгил атлетика ва мини-футбол бўйича мусобақаларда ўзаро куч синашдилар

27 Сентябр 2022 йил 1005

Касбий тайёргарлик ойлиги: Тошкент шаҳар ИИББ ходимлари енгил атлетика ва мини-футбол бўйича мусобақаларда ўзаро куч синашдилар

Касбий тайёргарлик ойлиги доирасида, “Қушбеги” спорт-соғломлаштириш мажмуасида Тошкент шаҳар ИИББ ва униинг соҳавий хизматлари жамоалари ўртасида енгил атлетика бўйича мусобақа ўтказилди. Мазкур мусобақада жамоалар 100, 1000 ва 3000 метрга югуриш, узунликка сакраш ҳамда эстафета усулида югуриш бўйича ўзаро беллашдилар. Умумжамоа ҳисобида фахрли 1-ўринни Янгиҳаёт тумани ИИО ФМБ жамоаси, 2-ўринни Шайхонтоҳур тумани ИИО ФМБ жамоаси ва 3-ўринни Мирзо Улуғбек тумани ИИО ФМБ жамоаси эгаллади.
Шунингдек, жорий йилнинг 23 сентябрь куни “Динамо” спорт-соғломлаштириш мажмуасида Тошкент шаҳар ИИББ аппаратининг соҳавий хизматлари ўртасида мини-футбол бўйича мусобақа ўтказилди. 8 та жамоа беллашган баҳслар якунида биринчилик ИИББ Эксперт-криминалистика маркази жамоасига насиб этди. Иккинчи ўринни ИИББ Касбий тайёргарлик бўлими ходимлари, учинчи ўринни эса Миграция ва фуқароликни расмийлаштириш бошқармаси ходимлари эгалладилар. Мусобақа ғолиблари фахрий ёрлиқ ва эсдалик совғалари билан тақдирландилар.