Ўзбекистон Республикаси ИИВ Академиясининг 1 ва 2 курс бир гуруҳ курсантлари Тошкент шаҳар Ички ишлар бош бошқармасига ташриф буюришди. Бош бошқармага ташриф давомида биринчи курс курсантлари бир қатор хизматлари фаъолияти билан яқиндан танишишди. Уларга соҳавий хизматларнинг ўзига хослиги тўғрисида сўзлаб берилди. Иккинчи курс курсантлари эса пойтахт ИИББнинг ҳудудий бўлинмалари негизида иш ўрганиш амалиётини ўташади. Амалиёт давомида улар турли хизмат фаъолият асосларини ўрганишлари, олинган назарий билимларни амалиётда қўллаш имконига эга бўлишмоқда.
Амалиёт давомида Тошкент шаҳар ИИББ ММИваКБТХ ва соҳавий хизматларнинг масъул ходимлари курсантларнинг ота-оналари билан учрашув ўтказишди. Учрашув иштирокчиларига амалиёт ўташ шартлари гапириб берилди ва мураббийлар билан таништирилди.
Шунингдек, тадбир давомида ўқиш даврида яхши кўрсаткичларга эришган бир қатор курсантларнинг ота-оналарига яхши тарбия қилганлари учун миннатдорчилик билдирилди.