Kasbiy tayyorgarlik oyligi doirasida IIV 1-sonli Toshkent Аkademik litseyi o‘quvchi-yoshlarini harbiy-vatanparvarlik ruhida tarbiyalash, ularda kasbga bo‘lgan qiziqish hamda salohiyatni shakllantirish maqsadida, Toshkent shahar IIBBning “Shon-sharaf muzeyi”ga tashrifi amalga oshirildi. Ular ichki ishlar organlarining tarixi, uning ilk tashkil etilgan kunidan to bugungi kungacha boʻlgan faoliyati haqida bilib oldilar. Qolaversa, yoshlar muzey eksponatlari bilan yaqindan tanishdi. Ayniqsa, turli vaqtlarda jinoyatchilardan olingan sovuq va o‘qotar qurollar namunalari aks ettirilgan stend litsey o‘quvchilarida katta qiziqish uyg‘otdi.
Bundan tashqari ichki ishlar organlarda olib borgan mashaqqatli va namunaviy faoliyati natijasi oʻlaroq, katta shuhrat qozongan koʻplab fidoiy va vatanparvar faxriy hodimlarning yurt tinchligi va osoyishtaligi yoʻlidagi beminnat xizmatlari haqida muhim ma'lumotlarga ega boʻldilar.