Kuni kecha Yunusobod tumani 3-sektor rahbari – IIO FMB boshlig‘i, polkovnik A.Shermuhamedov tashabbusi bilan sector hududidagi mahallalarda yashovchi “temir daftar” ro‘yxatiga kiritilgan oilalarning farzandlari uchun Toshkent hayvonot bog‘iga sayohat uyushtirildi.

Ekskursiya davomida yosh mehmonlar yovvoyi hayvonlar va ularga g‘amxo‘rlik qilish haqida ko‘p ma’lumotlarga ega bo‘ldilar. Bolalar hayvonot bog'idagi jonzotlarni katta qiziqish bilan tomosha qilishdi. Yosh mehmonlar tabiat bilan muloqot qilishdan hamda toza havoda o'ynab zavqlanishdi.