Жорий йилнинг 20 сентябридан 20 октябрига қадар Гиёҳвандликка қарши курашиш ойлиги деб эълон қилинди. Унинг доирасида ички ишлар органлари ходимлари томонидан таълим муассасаларида, ташкилотларда ва маҳаллаларда профилактик-тушунтириш тадбирлари, учрашувлар, давра суҳбатлари давом эттирилмоқда.

Миробод туманидаги 125 ҳамда 213-умумтаълим мактабларида ўтказилган учрашувларда туман ИИО ФМБ ходимлари юқори синф ўқувчиларига гиёҳвандлик воситалари ва психотроп моддаларни истеъмол қилиш нималарга олиб келишини мисоллар билан тушунтириб бердилар. Гиёҳвандлик - ёш авлодни барбод қилувчи, тақдирларни синдирувчи, жар ёқасига, ўлимга олиб борувчи иллат эканлигини таъкидладилар. Иштирокчилар керакли маълумотларни олиб, ўзлари учун тегишли хулосалар чиқаришди.

Тадбирлар давомида ўқувчилар мавзу юзасидан ўз фикр-мулоҳазаларини билдириб, саволлар билан мурожаат қилишди.