5-mart kuni Shayxontohur tumani IIO FMBga 33 yoshli Shonosir M. ariza bilan murojaat qilib, shu kuni soat 14:30 larda “Malika” savdo majmuasi yonidagi avtoturargohga “Neхia-3” rusumli avtomashinasini eshiklarini ochiq qoldirib ketganini ma’lum qilgan. Noma'lum shaxs avtomobil egasining yo‘qligidan foydalanib, saloni ichidan pul va mobil telefonini o‘g‘irlab ketgan.

Mazkur holat yuzasidan O‘zbekiston Respublikasi Jinoyat kodeksining 169-moddasi (O‘g‘rilik) bilan jinoyat ishi qo‘zg‘atilgan. Ko‘rilgan choralar natijasida o‘g‘rilikda gumonlanuvchi shaxs aniqlanib, qo‘lga olindi. Gumonlanuvchi 25 yoshli To‘lqin M. bo‘lib chiqdi. Tergov ishlari davom etmoqda.