Ижтимоий тармоқларда бир нафар шахснинг плакат кўтариб юрганлиги акс этган видео тарқалиб турли муҳокамаларга сабаб бўлмоқда. Мазкур ҳолат юзасидан қуйидагиларни маълум қиламиз.

Жорий йилнинг 6 февраль куни тахминан соат 10.30 ларда 1984 йилда туғилган т.т. Мирзо Улуғбек тумани Махтумқули кўчасида жойлашган Ўзбекистон Республикаси бош прокуратураси биноси олдида намойиш ўтказган.

Мазкур ҳолат юзасидан т.т.га нисбатан Ўзбекистон Республикаси Маъмурий жавобгарлик тўғрисидаги кодекснинг 201-моддаси (“Йиғилишлар, митинглар, кўча юришлари ёки намойишлар уюштириш, ўтказиш тартибини бузиш”) билан маъмурий баённома расмийлаштирилган.