Ўзбекистон Республикаси ҳуқуқни муҳофаза қилиш Академияси бакалавриятининг ҳарбийлаштирилган тузилмалари бўйича “Тергов фаолияти” йўналишига 2024/2025-ўқув йили учун ўқишга ҳужжат топшириш истагида бўлган номзодлар 2024 йилнинг 1 март кунига қадар (соат 09.00дан 17.00гача) Тошкент шаҳар Ички ишлар бош бошқармаси Маънавий-маърифий ишлар ва кадрлар билан таъминлаш хизматига (шахсий ҳужжатлари асли билан) мурожаат қилишлари мумкин.

Номзодларга қўйилган талаблар:

— Ўзбекистон Республикаси фуқароси бўлиши;

— Тошкент шаҳрида доимий рўйхатда бўлиши;

— ёши ўн еттидан кичик ва йигирма бешдан (муддатли ҳарбий химзатни ёки сафарбарлик чақируви резервидаги ҳарбий хизматни ўтганаларнинг ёши эса йигирма олтидан) катта бўлмаслиги;

— ўрта (11-синф), ўрта махсус маълумотга эга бўлиши;

— эркак номзодларнинг бўйи 165 сантиметрдан, аёл номзодларнинг бўйи 160 сантиметрдан паст бўлмаслиги талаб этилади.

Манзил: Тошкент шаҳар Миробод тумани, Саид Барака кўчаси (Тошкент шаҳар ИИББ ММИваКБТХ Ички ишлар органларига номзодларни қабул қилиш маркази).