Yo‘llarda to‘g‘ri harakatlanish inson hayoti uchun muhim sanaladi. Ayniqsa, bu jara yonda bolajonlarning bilimini oshirish, ularni yo‘l qoidalari bilan yaqindan tanishtirib borish yanada ahamiyatli. Bu esa o‘z-o‘zidan bolalar bilan bog‘liq yo‘l harakati hodisalarining oldini olishda muhim omil bo‘lib xizmat qiladi.
Joriy yilning 4-may kuni Ichki ishlar vazirligi tasarrufidagi 4-sonli maktabgacha ta’lim muassasasida ham «Hayoting xavfsizligi – o‘z qo‘lingda» mavzusida yo‘l harakati qoidalari bo‘yicha tarbiyalanuvchilar o‘rtasida qiziqarli mashg‘ulot tadbiri o‘tkazildi.
Toshkent shahar IIBB YHXB 3-batalyon safarbarlik guruhi inspektori, safdor D.Ubaydullayev tarbiyalanuvchilarga avtomobil yo‘llari va ulardagi yotiq chiziqlar, yo‘llarda harakatlanish qoidalariga rioya etish, yo‘l belgilarini ajratish bo‘yicha barcha uchun zarur birlamchi ma’lumotlarni aytib o‘tdi.
Savol-javob tarzida o‘tgan ushbu tadbirda barcha tarbiyalanuvchilar faol qatnashdi, chorrahalardan o‘tishda yo‘l harakati qatnashchilarinig xatti-harakatlari teatrlashtirilgan tarzda ko‘rsatildi.

© POSTDA – На посту