Jonajon yurtimizga Yangi – 2025-yil kirib kelmoqda. Tobora yaqinlashayotgan shukuhli damlarda muazzam shahrimiz aholisini, poytaxt mehmonlarini, bayramni tantanavor va tinchlik-osoyishtalik bilan kutib olishda jamoat tartibini saqlash, tinchlik-xotirjamlikni ta’minlashda xizmatga shay turgan Bosh boshqarma shaxsiy tarkibi, hamkasblarimizni, faxriylar, xizmat vaqtida mardona halok bo‘lgan xodimlarning oila a’zolari va yaqinlarini bayram bilan samimiy tabriklayman.
Ta’kidlash joizki, turli millat vakillaridan tashkil topgan poytaxt aholisi tinch-totuv, hamjihatlikda yashab, mehnat qilib kelmoqda. Bu yo‘nalishda ichki ishlar organlari xodimlari uchun xalq manfaatlariga xizmat qilish, chinakam xalqparvar bo‘lish bosh mezon bo‘lib qolaveradi.
Yangi – 2025-yilda barchangizga uzoq umr, mustahkam sog‘liq, oilaviy tinchlik-xotirjamlik, dasturxoningizga qut-baraka, farovonlik va saodat tilayman. Yangi yil tinchlik-omonlik yili bo‘lib, barchamizga qutlug‘ va barokotli kelsin!

Hurmat bilan,

Toshkent shahar IIBB boshlig‘i,
general-mayor
Aziz Tashpulatov