Toshkent shahar IIBB shaxsiy tarkibi bilan o‘tkazilgan navbatdagi Maʼnaviyat va maʼrifat darsi “Mobillashib borayotgan tafakkur” mavzusiga bag‘ishlandi. Tadbirda Toshkent davlat yuridik universiteti vakili dotsent Rahmon Qo‘chqor maʼruza qildi. U o‘z nutqida, mamlakatimizda Internet tarmog‘ini milliy maʼlumotlar bilan to‘ldirish ham bugungi kunning eng dolzarb vazifalaridan biri bo‘lib turganligini, asosiy eʼtiborni yoshlarda axborot olish madaniyatini shakllantirishga qaratish lozimligini taʼkidlab o‘tdi.

Tadbir yakunida yig‘ilish ishtirokchilarga “Tahlilnoma” axborot dasturi, Mahmudxo‘ja Behbudiyning hayoti va ijodi haqidagi videorolik hamda spektakl namoyish etildi.