Ўзбекистон ва Саудия Арабистони терма жамоалари ўртасида бўлиб ўтадиган футбол ўйини томошабинлари диққатига

14-ноябрь куни соат 17.00 да “Пахтакор” стадионида Жаҳон чемпионати-2022 саралаш босқичининг навбатдаги ўйини – Ўзбекистон Республикаси ва Саудия Арабистони терма жамоалари ўртасида бўлиб ўтади. Стадионга келишни режалаштираётган футбол мухлисларидан автомобилларни “Пахтакор” стадиони атрофидаги йўллар четида эмас (Ислом Каримов, Олмазор ва Навоий кўчалари), балки “Хумо Арена” муз комплексининг автотураргоҳида қолдиришларини сўраймиз. Спорт тадбирига илгарироқ келиб, футбол мухлислари учун махсус ажратилган автотураргоҳдан машинангизга жой эгаллаб олишингизни тавсия қиламиз. Такси ёки жамоат транспорти хизматларидан фойдаланишни тавсия этамиз.