Беруний кўчасида ёш болани уриб юборган ҳайдовчи қўлга олинди

Бугун соат 20.50 дан 21.00 гача бўлган вақт оралиғида Шайхонтохур тумани Беруний кўчасидаги авиакасса қаршисида “Матиз” русумли автомобилни бошқариб борган ҳайдовчи 5 ёшли болани уриб юбориб, воқеа жойидан яширинган. Бола шифохонада жон берди. Дастлабки маълумотларга кўра, бола уйидан рухсатсиз чиқиб, серқатнов йўлни мустақил кесиб ўтмоқчи бўлган.

Ҳайдовчи қўлга олиниб, у – 27 ёшли Илёс И. эканлиги маълум бўлди. Содир бўлган йўл-транспорт ҳодисасидан сўнг у ўз автомобилини Кўкча масжиди яқинидаги маҳаллада қолдириб, яширинишга уринган вақтда қўлга олинди.
Ҳозирда тергов олди текшируви олиб борилмоқда.