17 Sentyabr 2021 Yil 2419

Yo'lovchilar bilan o'zini nojo'ya tutgan taksi haydovchisiga nisbatan chora ko'riladi

Nemolchi.uz internet-manbasida uch nafar ayollarga shilqimlik qilgan taksi haydovchisiga nisbatan huquqni muhofaza qiluvchi organlar tomonidan chora ko'rilmayotgani haqida xabar e'lon qilindi. Mazkur fakt bo'yicha quyidagilarni ma’lum qilamiz.
Ma’lum bo'lishicha, “Matiz” rusumli avtomobil (davlat raqami 10 Y 518 SA) haydovchisi – Jahongir T. tomonidan huquqbuzarlik sodir etilgani to'g'risida Toshkent shahar IIBBga ariza kelib tushmagan. Idora xodimlari yuqoridagi e'lon muallifi bilan bog'lanib, jabrlanuvchilar haqida ma'lumot olgandan so'ng, ayollarga yozma ravishda ichki ishlar organlariga murojaat qilish zarurligi tushuntirildi. 2021-yil 17-sentabr kuni ikki nafar jabrlanuvchilar – E.M. va T.Yu.lar Mirobod tumani IIO FMBga murojaat qilishdi. Uchinchi qiz – M.S. ham yaqin orada ariza yozishga tayyorligini bildirdi.
Mazkur holat bo'yicha tergov oldi tekshiruvlari olib borilmoqda.
Hurmatli hamshaharlar va Toshkent mehmonlari! Аgar siz va yaqinlaringiz nojo'ya hatti-harakat qilgan taksi haydovchilariga duch kelsangiz, ichki ishlar organlariga murojaat qiling. Bu nafaqat sizga, balki jamiyatga ham foyda bo'ladi.

Belgilangan matnni tinglash uchun quyidagi tugmani bosing Powered by GSpeech