Оилани АҚШга жўнатишни ваъда қилган шахсларга нисбатан жиноий иш қўзғатилди

Жиноий иш бўйича олиб борилган тергов давомида маълум бўлишича, жорий йилнинг июль ойида Мирзо-Улуғбек туманида 62 ёшли Наргис С., 46 ёшли Зулфия И. ва 46 ёшли Дилфуза А.лар 34 ёшли Гуландон А.га унинг оиласини АҚШга жўнатишда ёрдам беришларини ваъда қилишган. Бунинг учун аёллар жабрланувчилардан 16.490 АҚШ доллари олганлар. Аммо ваъдаларига хилоф тарзда пулларни ўз эҳтиёжларига сарфлаб юборишган. Ушбу факт асосида Ўзбекистон Республикаси Жиноят кодексининг 168-моддаси (“Фирибгарлик”) бўйича жиноий иш қўзғатилди.
Тергов давомида аниқланишича, 2018 йилнинг май ойидан жорий йилнинг апрелигача 46 ёшли Зулфия И., 62 ёшли Наргис С. ва 46 ёшли Дилфуза А.лар 37 ёшли Лола А.га ҳам унинг оиласиини АҚШга жўнатишни ваъда қилишган. Лола уларга жами 17 420 АҚШ доллари берган. Аммо ваъдаларида турмаган фуқаролар пулларни ўз эҳтиёжларига сарфлаб юборишган.
Айбланувчиларга Ўзбекистон Республикаси Жиноят кодексининг 168-моддаси ("Фирибгарлик") бўйича қўшимча айблов юкланди. Тергов давом этмоқда.
Ҳурматли ҳамшаҳарлар ва Тошкент меҳмонлари! Ҳаддан ташқари ишонувчан бўлманг! Турли хил масалаларни ҳал қилишни ваъда қилишаётган нотанишларга ишонч билдирманг. Расмий ваколатхоналарга мурожаат қилинг.