IIBB yangiliklari:
Haydovchilar avtomobil kalitini o't oldirgichda qoldirmang!
7 Aprel 2020 Yil 1230

Toshkent shahar IIBBda koronavirus pandemiyasiga qarshi kurash bo'yicha Xitoy polisiyasining tajribasi muhokama qilindi

Toshkent shahar IIBB rahbariyatining tashabbusi bilan huquqni muhofaza qilish idorasi boshlig'ining Xitoy Xalq Respublikasi jamoat xavfsizligi vazirligining rasmiy vakili janov Lyu Tunpin bilan uchrashuvi bo'lib o'tdi.

Uchrashuv davomida XXR JXV delegasiyasi vakillari kasallikning tarqalishiga qarshi tashkil etilgan tadbirlarga jalb qilingan jamoat xavfsizligi vazirligi, idoralar va jamoat tashkilotlarining harakatlar rejasini bayon qilib berishdi. Karantin sharoitida fuqorlarga bo'lgan talablarga alohida urg'u berildi. O'zni yakkalash tartibi joriy qilinib, Uxan shahri aholisiga har bir xonadondan faqat bir kishi uch kunda bir marta ko'chaga oziq-ovqat va dorilar uchun chiqishiga ruxsat berilgan, buning uchun maxsus yo'llanma ham joriy qilingan.

Yurtimiz hukumatining koronavirus infektsiyasi bilan kasallangan shaxslar aniqlanishining ilk kunlaridanoq ko'rilgan choralari va say'-harakatlariga Xitoy tomon ijobiy baho berdi. Xususan, jamoat transporti faoliyati to'xtatilishi, epidemiologiya holatiga aloqador odamlar va avtotransport harakatini taqiqlash, shahardagi holat, zararlanganlar soni haqida aholiga muntazam ma'lumot berish, shuningdek aholining ijtimoiy zaif qatlamini qo'llab-quvvatlash va OAV bilan o'zaro aloqa yo'lga qo'yilishi shular jumlasidandir.

Shu bilan birga, XXR delegasiyasi vakillari tomonidan pandemiyaga qarshi kurash tajribasidan kelib chiqqan holda choralar samarasini oshirishga va koronavirus pandemiyasini to'xtatishga qaratilgan bir qator tavsiyalar berildi.

Uchrashuv ikki huquqni muhofaza qiluvchi tuzilmalar vakillarining o'zaro hamjihatligi ruhida o'tdi.

Belgilangan matnni tinglash uchun quyidagi tugmani bosing Powered by GSpeech