Тошкент Шаҳар Ички Ишлар Бош Бошқармаси

Тошкент шаҳар Ички ишлар бош бошқармаси бошлиғи полковник Равшан Султанходжаевнинг 8 декабрь – Ўзбекистон Республикаси Конституцияси қабул қилинган кун муносабати билан БАЙРАМ ТАБРИГИ

Ҳурматли пойтахтимиз аҳолиси ва меҳмонлари, ҳамкасблар, ички ишлар органлари фахрийлари! Тошкент шаҳар Ички ишлар бош бошқармаси раҳбарияти ва шахсан ўз номимдан сизни Ўзбекистон Республикаси Конституцияси қабул қилинганлигининг 33 йиллиги билан табриклайман. "Конституция – инсон қадри, эркинлик, тенглик ва адолат гарови" бош ғояси остида нишонланаётган бу йилги тадбир мамлакатимизда амалга оширилаётган ислоҳотлар мазмунига ҳамоҳанг равишда, асосий қонунимизда белгилаб қўйилган ҳуқуқ ва эркинликларнинг ҳаётдаги амалий ифодасини яна бир бор ёдга солади.Юртимизда ёш авлод ўртасида конституциявий билимларни мустаҳкамлаш, уларнинг ҳуқуқий маданиятини ошириш, фуқаролик бурчи ва масъулиятини янада чуқур англатишга алоҳида эътибор қаратилмоқда. Шу билан бирга, мамлакатимиз тараққиётининг муҳим омилларидан бири бўлган тинчлик, барқарорлик ва қонун устуворлигини таъминлашда ҳар бир фуқаронинг ўрни ва иштироки муҳимлигини таъкидлаш лозим. Ёшларимиз қалбида Ватанга садоқат ва халққа муҳаббат, юрт равнақига ҳисса қўшиш каби эзгу ғояларни мустаҳкамлашда барчамиз жонбозлик кўрсатишимиз керак.Асосий қонунимиз бўлган Конституция мамлакатимизда ҳуқуқий демократик давлат ва фуқаролик жамиятини барпо этиш ҳамда юртимизнинг дунёда муносиб ўринга эга бўлишида асосий мезон вазифасини ўтамоқда.Конституциявий қадрият ва меъёрларнинг янада мустаҳкамланиши – ҳар бир фуқаро ҳаётида муваффақият гаровидир. Шу мақсадда бебаҳо бойлигимиз бўлган тинчлик ва барқарорликни мустаҳкамлашга алоҳида эътибор қаратмоқдамиз ҳамда келгусида ҳам қонун устуворлигини таъминлаш йўлида, фуқаролар хавфсизлигини таъминлаш борасида масъулият билан ҳаракат қиламиз.Фурсатдан фойдаланиб, барчангизга сиҳат-саломатлик, оилавий бахт, хонадонингизга тинчлик ва осойишталик тилайман! Ҳурмат билан,Тошкент шаҳар ИИББ бошлиғи полковник Равшан Султанходжаев

7 Декабр 2025 йил