IIBB yangiliklari:
Haydovchilar avtomobil kalitini o't oldirgichda qoldirmang!
30 Sentyabr 2021 Yil 2884

Rasmiy munosabat

Ijtimoiy tarmoqlarda bir nechta qizlarning o’zaro janjali aks etgan video tarqalmoqda. Toshkent shahar IIBB tomonidan oʼtkazilgan tekshiruv natijasida quyidagilar aniqlandi.

Joriy yilning 28 sentabr kuni soat taxminan 17.30 larda voyaga yetmagan 2004 yilda tug’ilgan Shaxrizoda Ya. tanishlari bilan Chilonzor tumanidagi “Bunyodkor” stadioni oldidagi avtoturargohda uchrashib, voyaga yetmagan 2004 yilda tugʼilgan Ruxshona B. uni ijtimoiy tarmoqlar orqali haqorat qilgani uchun munosabatlarni hal qilib olmoqchi bo’lgan. Og’zaki tortishuv oʼzaro janjalga aylanib ketgan va Shaxrizoda Ya. tanishi Ruxshona B.ni urgan.

Hozirda mazkur holat yuzasidan Chilonzor tumani IIO FMB tomonidan tekshiruv oʼtkazilmoqda, yakuni boʼyicha qonuniy qaror qabul qilinadi.

Hurmatli ota-onalar! Soʼnggi kunlarda voyaga yetmaganlar koʼchada uchrashib munosabatlarni hal qilib olmoqchi boʼlayotganligi, bunday mojarolar janjalga aylanib ketayotganligining guvohi boʼlmoqdamiz. Farzand tarbiyasiga ota-ona yoki uning oʼrnini bosuvchi shaxslar masʼul ekanligini unutmang. Аgarda siz, voyaga yetmagan bolalarni tarbiyalash va ularga taʼlim berish borasidagi majburiyatlaringizni bajarmasangiz Oʼzbekiston Respublikasi Maʼmuriy javobgarlik toʼgʼrisidagi kodeksning 47-moddasiga asosan maʼmuriy javobgarlikka tortilishingiz mumkin.

Belgilangan matnni tinglash uchun quyidagi tugmani bosing Powered by GSpeech