8 Noyabr 2021 Yil 3092

Rasmiy munosabat

Ijtimoiy tarmoqlarda "Magic City"da ommaviy tartibsizlik yuz bergani haqidagi xabarlar tarqalmoqda. Mazkur holat yuzasidan quyidagilarni ma'lum qilamiz.
Joriy yilning 6 noyabr kuni taxminan soat 22.30 larda Toshkent shahar Chilonzor tumanida joylashgan "Magic City" ko'ngilochar dam olish maskanida gaz to'ldirilgan sharlarni sotuvchi yigitlar 2000 y.t. U.D., 2002 y.t. A.X., 2003 y.t. I.U., 2004 y.t. M.T.lar noqonuniy savdo qilayotgani uchun majmuaning qo'riqlash xizmati xodimlari tomonidan chiqartirib yuborilayotganda ular o'rtasida o'zaro janjal yuz bergan.
Holat yuzasidan Chilonzor tumani IIO FMB Tergov bo'limi tomonidan O‘zbekiston Respublikasi Jinoyat kodeksining 277-moddasi ("Bezorilik") 2-qismi “b” bandi bilan jinoyat ishi qo'zg'atildi.
Jinoyat ishi doirasida 4 nafar gumonlanuvchi ushlangan, qolganlarini ushlash choralari ko'rilmoqda.
Shuningdek janjalda o'q otar qurol ishlatilmaganligini ma'lum qilamiz.

Belgilangan matnni tinglash uchun quyidagi tugmani bosing Powered by GSpeech