Internet tarmog`ida ikki maktab o‘quvchilari o`rtasidagi janjal aks etgan video tarqaldi. Mazkur holat bo`yicha quyidagilarni ma’lum qilamiz.
Joriy yilning 15 aprel kuni taxminan soat 15. 00 da Mirobod tumanida 14 yoshli I. B. 14 yoshli D. N. (jabrlanuvchi)ga qo‘ng‘iroq qilib, muloqot chog‘ida o‘smirlar o‘zaro janjallashib qolishgan. I. B. mazkur holatga oydinlik kiritish maqsadida voyaga yetmagan D. N. bilan “Yuksalish” mahallasi hududida uchrashishgan va janjallashib ketishgan. Natijada D.N.ga tan jarohati yetkazilgan.
Holat bo‘yicha hujjatlar rasmiylashtirildi va ota-onalar O‘zbekiston Respublikasi MJtKning 47-moddasiga asosan ma'muriy javobgarlikka tortildi.