IIBB yangiliklari:
Haydovchilar avtomobil kalitini o't oldirgichda qoldirmang!
11 Oktyabr 2021 Yil 1427

Qoidabuzarlik sodir etgan yo'lovchi jarimaga tortildi

Internet tarmog'ida tarqalgan suratda avtomobil yo'lovchisi eshikka osilib, o'z hayoti uchun xavf tug'dirgani aks etgan. Toshkent shahar IIBB xodimlari qoidabuzarlik haqidagi xabarni eʼtiborsiz qoldirishmadi.

Аniqlanishicha, holat 2021-yil 9-oktabr kuni taxminan soat 14.00 da ro'y bergan. “Matiz” rusumli avtomobilni (davlat raqami 01 Y 687 YA) ishonchnoma asosida 1999-yilda tug'ilgan Jasur X. boshqargan, suratdagi yo'lovchi esa – 1995-yilda tug'ilgan Umarjon E. bo'lgan.

Yo'lovchiga nisbatan O'zbekiston Respublikasi Maʼmuriy javobgarlik to'g'risidagi kodeksining 138-moddasi 4-qismi (“Piyodalar va yo‘l harakati boshqa ishtirokchilarining yo‘l harakati qoidalarini buzishi”) bo'yicha maʼmuriy bayonnoma rasmiylashtirildi. Аvtomobil haydovchisi ham jarimaga tortildi.

Hurmatli fotosuratchilar, operatorlar va shu kabi kasblar egalari. Yuqoridagi holatga o'xshash hatti-harakatlar nafaqat qoidabuzarlik hisoblanadi, balki o'z salomatligingiz va hayotingizni xavf ostiga qo'yadi. Xavfsizligingizga qanchalik ishonishingizdan qatʼiy nazar, yo'llarda ro'y berishi mumkin bo'lgan turli holatlarda bu ishingiz fojeali yakunlanishi mumkin.

Belgilangan matnni tinglash uchun quyidagi tugmani bosing Powered by GSpeech