IIBB yangiliklari:
Haydovchilar avtomobil kalitini o't oldirgichda qoldirmang!
25 Noyabr 2021 Yil 530

Toshkent shahar IIBBning pirotexnika buyumlarining qonunga xilof muomalasiga qarshi kurash tadbirlari to’g’risida

Yangi yil bayrami arafasida pirotexnika buyumlarining qonunga xilof muomalasi yanada dolzarb mummoga aylanadi. Shu munosabat bilan Toshkent shahar Ichki ishlar bosh boshqarmasi xodimlari tomonidan har yili shu sohadagi qoidabuzarliklarga qaratilgan maxsus tadbirlar o’tkaziladi. 2021-yilning 8-noyabridan 22-noyabrga qadar bo’lgan davr ichida 482 ta tadbirlar o’tkazilib, ular davomida jami 274 904 000 so’mlik 559 776 ta pirotexnika buyumlari olib qo’yildi. Pirotexnika buyumlarining qonunga xilof muomalasi bilan bog’liq faktlari bo’yicha belgilangan jarimalarning umumiy miqdori 8 775 000 so’mni tashkil etdi.

Masalan, 2021-yil 9-noyabr kuni taxminan soat 13.00 da Bektemir tumani Qo’yliq bozorida o’tkazilgan profilaktik tadbirlar davomida Rahmatilla M.dan ichida 3540 ta pirotexnika buyumlari bo’lgan 59 quti topilib, xolislar guvohligida olib qo’yildi. Shu kunning o’zida Bektemir tumanidagi Compass KSM yonida Javohir J.ning sumkasidan ichida 780 ta pirotexnika buyumlari bo’lgan 13 quti topildi. Ikkala fuqarolar ham Bektemir tumani IIO FMBga yetkazildilar.

Ushbu sohadagi qoidabuzarlar har doim ham erkaklar tomonidan sodir etilmaydi. Masalan, 9-noyabr kuni Shayxontohur tumanida profilaktika katta inspektori xizmat davomida o’zini g’alati tutgan ayolga e’tibor qaratdi. Tekshiruv natijasida 30 yoshli Nargiza X.dan 360 ta pirotexnika buyumlari bo’lgan 6 ta quti xolislar guvohligida olib qo’yildi. Fuqaroga nisbatan O’zbekiston Respublikasi Ma’muriy javobgarlik to’g’risidagi kodeksining 185-moddasi 1-qismi (“Pirotexnika buyumlarining qonunga xilof muomalasi”) bo’yicha bayonnoma rasmiylashtirildi.

Аfsuski, sog’liq uchun zarar bo’lgan pirotexnikalar “biznesiga” ba’zida bolalar ham aralashib qoladilar. Masalan, 2021-yil 15-noyabr kuni soat 13.30 da Bektemir tumanidagi Compass KSM yonida xodimlar uch nafar yoshlar – 15 yoshli Sh.S., 14 yoshli B.А. va 15 yoshli R.K.ga e’tibor qaratishdi. Profilaktika inspektori protsessual tartibga rioya qilgan holda o’smirlardan jami 1069 ta pirotexnika buyumlarini olib qo’yib, bu to’g’risda tegishli hujjatlarni rasmiylashtirdi. Tez orada Bektemir tumani IIO FMB 4-son ichki ishlar bo’limi xodimlari yoshlarning ota-onalariga farzandlari bilan gaplashib olishlari zarurligini tushuntirishdi.

Pirotexnika buyumlarining qonunga xilof muomalasini oldini olishda transport vositalarini tekshirish bo’yicha o’tkaziladigan profilaktik tadbirlar katta ahamiyatga egadir. Masalan 2021-yil 15-noyabr kuni taxminan soat 20.10 da Toshkent shahar IIBB xodimlari, Milliy Gvardiya harbiy xizmatchilari va Davlat bojxona qo’mitasi boshqarmasi xizmatchilarining qo’shma tadbirlari davomida Chilonzor tumanidagi “Bek to’pi” savdo markazi yonida “Isuzu” va “Lacetti” avtomobillari tekshirilganda jami 259 mln so`mlik 8639 ta quti (518.400 ta) pirotexnika buyumlari topilib, protsessual tartibga ko’ra olib qo’yildi.

Hurmatli hamshaharlar va Toshkent mehmonlari! Unutmang, litsenziyaga ega bo’lmagan pirotexnika buyumlari sifatiga ishonib bo’lmaydi. Ularni qo’llash (ayniqsa xavfsizlik texnikasini buzgan holda) sog’liq va hayot uchun o’nglab bo’lmas zararga sabab bo’lishi mumkin. Siz sababli boshqa birovga zarar yetgan holda jinoiy javobgarlikka tortilishingiz mumkin. Shuningdek pirotexnika buyumlarining qonunga xilof muomalasi uchun ma’muriy va jinoiy javobgarlik ko`zda tutilganligini yodda tuting. Toshkent shahar IIBB boshqa mas’ul idoralar xodimlari bilan hamkorlikda mazkur yo`nalishdagi qoidabuzarliklarni aniqlash ishlarini davom ettirmoqdalar.

Belgilangan matnni tinglash uchun quyidagi tugmani bosing Powered by GSpeech