Тошкент Шаҳар Ички Ишлар Бош Бошқармаси

Ёшларга эътибор – порлоқ келажакка қадам

Давлатимиз раҳбари томонидан келажагимиз эгалари бўлган ёшларнинг қонуний ҳуқуқлари ва манфаатларини таъминлаш, иқтидорлари ва салоҳиятини рўёбга чиқариш, замонавий билим ва касб-ҳунарларни пухта эгаллашлари, ижтимоий ҳимоясини таъминлаш масалаларига катта эътибор қаратилмоқда. Жорий йилнинг 24 февралида Президентимиз томонидан ёшлар билан ишлаш, уларнинг ташаббускорлигини қўллаб-қувватлаш бўйича қўшимча имкониятларга бағишлаб ўтказилган мулоқотида ҳар ҳафтанинг пайшанба куни “Ёшлар куни” деб эълон қилинган. Ёшларни ҳар томонлама қўллаб-қувватлаш, улар фаолияти билан яқиндан танишиш мақсадида Тошкент шаҳар иибб бошлиғи, полковник Равшан Султанходжаев Олмазор тумани ҳокимлиги, ҳуқуқни муҳофаза қилувчи органлар масъуллари ҳамкорлигида туманнинг INNO ўқув ва ишлаб чиқариш технопарки биносида шаҳар Юнусобод, Шайхонтоҳур туманлари ёшлари, туман профилактика ҳамда пробация ҳисобида турувчи ёшлар билан учрашув ўтказилди.”Раҳбар ва ёшлар учрашуви” доирасида бўлиб ўтган тадбирда ёшларнинг ўз муаммоларини эркин билдиришлари, фикр-мулоҳазалари билан ўртоқлашиш имконияти яратилди. Тадбирда ёшлар фаол иштирок этиб, ўз муаммоларини тортинмай баён этишди. Бир неча ўз тадбиркорлигини бошламоқчи бўлган ёшларга моддий кўмак ажратиш борасида амалий ёрдам кўрсатилди ҳамда ҳуқуқий малакали тавсиялар берилди. Йиғилганлар раҳбарларга тўғридан-тўғри мурожаат этиб, ўзларини қизиқтирган саволларига батафсил жавоблар олишди. Мазкур тадбир Олмазор туман ҳокимлигида давом эттирилди. Ҳокимликка ташриф буюрган бир гуруҳ ёшларнинг муаммолари ўрганилиб, уларга ечим топиш чораларига эътибор қаратилди. Шунингдек, ёшларнинг фикр-мулоҳазалари, таклифлари тингланиб, энг фойдали, илғорларини ҳаётга татбиқ этиш бўйича тегишли чоралар белгиланди.

27 Феврал 2026 йил

184