ТОШКЕНТ ШАҲАР ИЧКИ ИШЛАР БОШ БОШҚАРМАСИ

Биз ҳақимизда Боғланиш

Сайёр қабулда аҳоли мурожаатлари ечим топмоқда

Мутасадди раҳбарлар томонидан сайёр қабуллар ташкил этиш орқали аҳоли билан бевосита мулоқот қилиш, айниқса, уларни қийнаб келаётган муаммоларни аниқлаб, жойида бартараф этиш юзасидан амалий тадбирлар ўтказиб келинмоқда. Хусусан, Тошкент шаҳар ИИББ бошлиғи полковник Равшан Султанходжаев томонидан Бош бошқарма биносида аҳоли билан навбатдаги сайёр қабул ўтказилди. Учрашув давомида фуқароларнинг терговга қадар текширув, ижтимоий ҳимоя, ички ишлар органларига ишга кириш, моддий ёрдам каби масалалар юзасидан мурожаатлари тингланди. Ўтказилган қабулда 62 нафар фуқаролар юзага келаётган муаммолар билан мурожаат қилишди. Жумладан, 3 нафар фуқаро томонидан кўтарилган муаммо жойида ижобий ҳал этилиб, қолган 43 нафар фуқароларнинг мурожаатлари ижроси таъминланиши бўйича ходимларга тегишли топшириқлар берилди. Шу билан бирга, 16 та мурожаат юзасидан ҳуқуқий маслаҳатлар берилди. Жумладан, пойтахтимизнинг Сергели туманида яшовчи фуқаро ҳайдовчилик гувоҳномаси масаласи юзасидан мурожаат қилди. Тошкент шаҳар ИИББ ЙҲХБ масъул ходимлари томонидан мурожаат ижобий ҳал этилди. Бу каби сайёр қабуллар давом этмоқда.

24 Март 2025 йил

Автомобиль бошқариш давомида об-ҳаво шароитини инобатга олишни унутманг!

Ҳурматли ҳайдовчилар! Унутманг, ёмғир ёғаётганда йўлдаги шароит сезиларли даражада ёмонлашади. Об-ҳаво ўзгарганда кўникиб қолган тезлигингизни пасайтиринг. Ер хўл бўлганда тўхташ қийинроқ бўлиб, йўл-транспорт ҳодисаларига учраш эҳтимоли ошади.

24 Март 2025 йил

221

Расмий маълумот

Ижтимоий тармоқларда Миробод туманида бир нечта шахслар кўчага ноқонуний равишда чиқиндилар ташлаши оқибатида фуқаролар эътироз билдирганлиги акс этган видео тарқалган. Мазкур ҳолат юзасидан қуйидагиларни маълум қиламиз. Жорий йилнинг 20 март куни Миробод тумани, Сарикўл кўчасида жойлашган ошхоналарнинг бирида, 1995 йилда туғилган Б.Ж. кўмирдан чиққан кул ва чиқиндиларни ахлат солиш учун мўлжалланган темир қути ёнига тўкиб кетган. Натижада, тўлиқ ўчмаган олов ичидаги чўғлардан тутун чиқа бошлаб, фуқароларнинг эътирозларига сабаб бўлган. Хабардан сўнг ходиса жойи чиқиндилардан тозаланган. Мазкур ҳолат юзасидан Миробод тумани ИИО ФМБ томонидан фуқаро Б.Ж.га нисбатан Ўзбекистон Республикаси Маъмурий жавобгарлик тўғрисидаги кодексининг 161-моддаси (“Шаҳарларни ва бошқа аҳоли пунктларини ободонлаштириш қоидаларини бузиш”) билан маъмурий баённома расмийлаштирилган.

22 Март 2025 йил

272

Тунги хизмат фаолияти ўрганилди

Юртимизда кезаётган Наврўз шукуҳи ҳар бир хондонга кириб бормоқда. Болалар кўзидаги қувонч, катталарнинг эртанги кунга бўлган ишончи кўчаларда эмин-эркин юрган халқимизнинг табассумидан ҳам маълум. Мана шу тинчлик ва осойишталикни сақлаш мақсадида ҳуқуқни муҳофаза қилувчи орган ходимлари туну кун халқ хизматида. Тошкент шаҳар ИИББ бошлиғи бошчилигидаги ишчи гуруҳ Шайхонтоҳур ҳамда Чилонзор туманларида ички ишлар органлари ходимларининг тунги хизмат фаолиятини ўрганди. Ходимлар иш фаолиятини янада яхшилаш мақсадида бош бошқарма бошлиғи томонидан тегишли кўрсатма ва тавсиялар берилди.

22 Март 2025 йил

213