12 Aprel 2021 Yil 1832

Миробод туманида рўй берган ЙТҲ бўйича маълумот

2021 йил 10 апрель куни тахминан соат 16.40 да Миробод тумани Меҳржон кўчасида (Дилкаш кафеси қаршисида) иккита транспорт воситалари: 65 ёшли Озарбайжон Республикаси фуқароси Халик К. ишончнома асосида бошқарган «Lacetti» (давлат рақами 01 310 АЕА) ва 28 ёшли Шохруҳ М. ишончнома асосида бошқарган «Malibu» (давлат рақами 01 С 710 UA) автомобиллари тўқнашуви рўй берди. Дастлабки маълумотларга кўра, тўқнашувга “Lacetti” ҳайдовчисининг белгиланмаган жойдан бурилиб олмоқчи бўлгани сабаб бўлган.

ЙТҲ оқибатида “Lacetti” йўловчиси 63 ёшли Нурония В. ҳамда иккала автомобиль ҳайдовчилари турли даражадаги бадан шикастлари билан шифохонага етказилдилар. Тиббиёт ходимларининг саъй-ҳаракатларига қарамасдан, “Lacetti” ҳайдовчиси ҳаётдан кўз юмди. Марҳумнинг яқинларига чуқур таъзия изҳор этамиз.

Мазкур факт асосида Ўзбекистон Республикаси Жиноят кодексининг 266 моддаси 2 қисми бўйича жиноий иш қўзғатилди. Тергов олиб борилмоқда.

Belgilangan matnni tinglash uchun quyidagi tugmani bosing Powered by GSpeech